.png)
 |
| Motivational Story in Urdu |
موٹیویشنل کہانی – اس کہانی کو دیکھنے کے بعد آپ کبھی پہلے جیسے نہیں رہیں
گے
یہ ایک سچی اور دل کو چھو لینے والی کہانی ہے ایک استانی اور اس کے طالب علم کی
جس نے اپنی خاموشی اور دکھوں سے نہ صرف اپنی زندگی بدلی، بلکہ اپنی استانی کی
سوچ اور جذبے کو بھی ہمیشہ کے لیے بدل دیا۔ یہ کہانی ہمیں سکھاتی ہے کہ تھوڑی سی
محبت، توجہ اور سمجھ کسی کی زندگی سنوار سکتی ہے۔
کئی سال پہلے کی بات ہے۔ ایک سکول میں مِس سمیرا نام کی ایک استانی پڑھاتی تھیں۔ اسکول کے پہلے دن وہ پانچویں جماعت کے بچوں کے سامنے کھڑی تھیں۔ انہوں نے ایک جھوٹ بولا، جیسا کہ اکثر اساتذہ کہتے ہیں۔ انہوں نے کہا
میں تم سب بچوں سے برابر محبت کرتی ہوں۔
لیکن یہ سچ نہیں تھا، کیونکہ اگلی صف میں ایک چھوٹا سا لڑکا بیٹھا تھا جس کا نام علی تھا۔ مِس سمیرا نے اسے پچھلے سال بھی دیکھا تھا۔ وہ دوسرے بچوں کے ساتھ نہ کھیلتا تھا، اس کے کپڑے میلے ہوتے تھے، اور وہ اکثر چپ چاپ بیٹھا رہتا تھا۔ مِس سمیرا کو علی سے ہمدردی محسوس نہیں ہوتی تھی۔
ہر سال مِس سمیرا کو بچوں کی پچھلی کارکردگی کی فائلز دیکھنی ہوتی تھیں۔ انہوں نے علی کی فائل سب سے آخر میں رکھی۔ جب آخرکار انہوں نے علی کی فائل کھولی، تو وہ حیران رہ گئیں۔
پہلی جماعت کی ٹیچر نے لکھا تھا
علی ایک ذہین بچہ ہے، خوش اخلاق اور خوش مزاج ہے، ہمیشہ ہنستا رہتا ہے۔
دوسری جماعت کی ٹیچر نے لکھا تھا
علی ایک اچھا طالب علم ہے، لیکن اب وہ پریشان رہتا ہے کیونکہ اس کی ماں بیمار ہے۔ گھر کا ماحول کچھ ٹھیک نہیں۔
تیسری جماعت کی ٹیچر نے لکھا
علی کی ماں کا انتقال ہو گیا ہے، جس کا اسے بہت صدمہ ہے۔ وہ اب بھی محنت کرتا ہے، مگر اس کے والد اس پر توجہ نہیں دیتے۔
چوتھی جماعت کی ٹیچر نے لکھا
علی اب بہت بدل چکا ہے، وہ اسکول میں دلچسپی نہیں لیتا۔ اکثر کلاس میں سو جاتا ہے، اور اس کے دوست بھی نہیں ہیں۔
یہ سب پڑھ کر مِس سمیرا کو اپنے رویے پر شرمندگی ہوئی۔ انہیں اس دن اور زیادہ افسوس ہوا جب کرسمس پر بچوں نے انہیں تحائف دیے۔ زیادہ تر بچوں کے تحفے خوبصورت ریپر میں لپٹے ہوئے تھے، مگر علی کا تحفہ ایک سادہ سے کاغذ میں لپٹا ہوا تھا، جو شاید کسی گروسری شاپ سے لیا گیا تھا۔
جب مِس سمیرا نے علی کا تحفہ کھولا، تو اس میں ایک پرانا سا کڑا (بریسلٹ) تھا، جس میں کچھ نگینے غائب تھے، اور ایک چھوٹی سی پرفیوم کی بوتل تھی جس میں تھوڑا سا پرفیوم باقی تھا۔ کچھ بچے ہنسنے لگے، مگر مِس سمیرا نے فوراً کہا
یہ تو بہت خوبصورت ہے
پھر انہوں نے کڑا پہن لیا اور پرفیوم لگا لیا۔
اس دن اسکول کے بعد علی ان کے پاس آیا اور آہستہ سے بولا
آج آپ بالکل میری امی جیسی خوشبو دے رہی ہیں۔
یہ سن کر مِس سمیرا کا دل بھر آیا۔ بچوں کے جانے کے بعد وہ ایک گھنٹے تک روتی رہیں۔
اس دن کے بعد مِس سمیرا نے صرف پڑھانے پر نہیں بلکہ بچوں کو سمجھنے اور بہتر بنانے پر توجہ دینی شروع کی۔ انہوں نے علی کو خاص توجہ دینا شروع کی۔ جتنا وہ علی کی حوصلہ افزائی کرتیں، علی اتنا ہی بہتر ہوتا گیا۔ سال کے آخر تک علی کلاس کا سب سے اچھا طالب علم بن گیا۔
ایک سال بعد، مِس سمیرا کو ایک خط ملا، جس میں علی نے لکھا
آپ میری زندگی کی سب سے اچھی ٹیچر تھیں۔
چھ سال گزر گئے۔ پھر ایک اور خط آیا، جس میں علی نے بتایا کہ وہ ہائی اسکول کے تین بہترین طلبا میں سے ایک ہے، اور آج بھی مِس سمیرا کو یاد کرتا ہے۔
چار سال بعد، ایک اور خط آیا۔
میں کالج سے فارغ ہو گیا ہوں۔ آپ اب بھی میری سب سے پسندیدہ ٹیچر ہیں۔
مزید چار سال بعد ایک اور خط آیا، جس میں علی نے لکھا کہ وہ اب ڈاکٹر بن چکا ہے۔ خط کے آخر میں لکھا تھا:
ڈاکٹر علی احمد
پھر ایک اور خط آیا۔
اس میں علی نے لکھا کہ وہ جلد شادی کرنے والا ہے، اور چاہتا ہے کہ مِس سمیرا اس کی ماں کی جگہ شادی میں دلہن کے پاس بیٹھیں۔ مِس سمیرا نے خوشی خوشی ہامی بھر لی۔
شادی کے دن مِس سمیرا نے وہی پرانا کڑا پہنا، اور وہی خوشبو لگائی جو علی کی ماں کی تھی۔
علی نے مِس سمیرا کو گلے لگایا اور ان کے کان میں آہستہ سے کہا
شکریہ، آپ نے مجھے خاص محسوس کروایا، اور یقین دلایا کہ میں بھی زندگی میں کچھ بن سکتا ہوں۔
مِس سمیرا کی آنکھوں میں آنسو آ گئے۔ انہوں نے کہا
نہیں بیٹا، تم نے مجھے سکھایا کہ میں ایک اچھی استانی بن سکتی
ہوں۔ تم سے پہلے میں صرف پڑھاتی تھی، سکھاتی نہیں تھی۔
یہ کہانی آپ کو کیسی لگی؟
اگر یہ کہانی آپ کو اچھی لگی، اس سے کچھ سیکھنے کو ملا، یا اگر آپ کو لگا کہ کہانی تھوڑی لمبی ہے یا بورنگ تھی، یا پھر آپ کو لگا کہ بالکل ایسی ہی کہانی ہونی چاہیے—تو براہِ کرم ہمیں کمنٹ میں ضرور بتائیں۔
آپ کی رائے ہمارے لیے بہت قیمتی ہے، کیونکہ ہم کہانیاں صرف آپ لوگوں کے لیے، آپ کی پسند اور خوشی کے لیے لکھتے ہیں۔
اگر آپ ہمیں اپنی پسند کے بارے میں بتائیں گے، تو ہم آئندہ ایسی کہانیاں لکھیں گے جو واقعی آپ کے دل کو چھو جائیں۔
ایسی مزید دل کو لگنے والی اور زندگی بدل دینے والی کہانیوں کے لیے ہماری ویب سائٹ World Ki Best Stories کو ضرور فالو کریں۔
اور ہاں، اس کہانی کو اپنے دوستوں اور رشتے داروں کے ساتھ بھی ضرور شئیر کریں تاکہ ان تک بھی یہ سبق پہنچے — اور آپ کی وجہ سے اُن کی زندگی میں بھی کچھ بہتری آئے۔
روز کچھ نیا سیکھیں، کچھ نیا سوچیں، اور نئی زندگی کا آغاز کریں۔ پھر ملیں گے ایک اور کہانی
کے ساتھ۔ تب تک اپنا خوب خیال رکھیں۔
اسٹوری کوئین اسماء
Read More Stories
.png)
I hope you liked this motivational story in urdu. You can read more interesting Motivational story in Urdu, Short motivational story for students, True motivational stories, Motivational Story in Hindi, short motivational Story, motivational stories, Motivational story in Urdu Text, Motivational Stories in Urdu for students, Short Motivational Story in Urdu and much more interesting stories just right here: fairy tales stories and moral stories for kids.
Also, read more interesting Motivational posts in Urdu.
